சாதனங்கள் – சாதகங்கள், பாதகங்கள்!

நாம் அன்றாட வாழ்க்கையில் கைத் தொலைபேசி, மடிக்கணினி, புகைப்படக் கருவி என பல சாதனங்களைப் பயன்படுத்துகிறோம். நீங்கள் அதிகம் பயன்படுத்தும் சாதனம் எது? ஏன்? அதன் நன்மை, தீமைகளாக நீங்கள் அறிந்தது என்ன? என்பதைப் பற்றி ஒரு கட்டுரையை எழுதி எங்களோடு பகிருங்கள்.
கட்டுரை 10 முதல் 20 வரிகளுக்குள் இருந்தால் போதுமானது. உங்கள் கட்டுரைகளைத் தட்டச்சு செய்து, இந்தப் பக்கத்தில், பின்னூட்டமாக (Comments) நீங்கள் பதிய (Post) வேண்டும். உங்கள் பெயரையும், உங்கள் பள்ளியின் பெயரையும் உங்கள் கட்டுரைக்குக் கீழே அவசியம் குறிப்பிட வேண்டும்.
தரமான கட்டுரைகளுக்குப் பரிசுகள் காத்திருக்கின்றன. சிறந்த மூன்று கட்டுரைகள் தேர்ந்தெடுக்கப்பட்டு அவை ஒவ்வொன்றுக்கும் $30 வெள்ளி ரொக்கப்பரிசு வழங்கப்படும். உங்கள் கட்டுரைகளை பகிர்ந்து கொள்ள இறுதி நாள்,  11 மார்ச் 2018. பங்கேற்று வெற்றி பெறுங்கள். வாழ்த்துகள்!
***
டிசம்பர் மாத வெற்றியாளர்களின் பட்டியல்

Janakeswari Jurong Secondary School
Arfin Fathima Yuan Ching Secondary School
Manimaran Vasumathi Clementi Town Secondary School

13 கருத்துரை

  1. இன்றைய தொழில் நுட்ப வளர்ச்சி, அனைத்து தரப்பினருக்கும், வயதினருக்கும் ஒரு வரப்பிரசாதம் என்றே சொல்லலாம். அதிலும், முக்கியமாக நம்மைப் போன்று கல்வி கற்கும் இளையர்களுக்கு நவீனத் தொழில் நுட்பம் என்பது, காலம் நமக்களித்த கொடையே! தொழில்நுட்பச் சாதனங்களில் எனக்கு மிகப் பிடித்தது கைதொலைபேசியே ஆகும்.
    Facebook, WhatsApp, Twitter, Instagram, Snapchat என எண்ணிலடங்கா அம்சங்கள் கைதொலைபேசியில் அடங்கி இருக்கின்றன. எவ்வள்வு சிறிதாக இருக்கிறதோ, அவ்வளவு சிறப்புகளை கொண்டுள்ளது கைதொலைபேசி. இத்தகைய பயனுள்ள தொழில்நுட்பம் நமக்கு தேவையற்ற கசடுகளையும் தன்னகத்தே கொண்டுள்ளது. பாலை மட்டும் பிரித்தெடுக்கும் அன்னப்பறவைப் போல், மாணவர்கள் தெளிவாக இருந்தால் மட்டுமே, நவீன தொழில் நுட்பம் காலத்தின் பொக்கிஷமே.
    இன்றைய இளையர்கள் கைதொலைபேசியிலேயே மூழ்கிருக்கின்றனர். சமையலறையில் இருக்கும் அம்மாவிற்கு நமது அறையிலிருந்தே WhatsApp Message அனுப்புகிறோம். அந்த அளவிற்கு இருக்கிறது இன்றைய காலக்கட்டம்.
    கேட்டதெல்லாம் ஆண்டவர் கொடுக்கிறாரோ இல்லையோ, ஆனால் கூகலாண்டவர் அள்ளி கொடுப்பார். நமது பாடங்களில் எழும் எந்த ஐயப்பாட்டுக்கும், கைதொலைபேசியிலுள்ள தேடுபொறிகளின் துணைக்கொண்டு, நாம் அமர்ந்த இடத்திலிருந்தே விடை அறிந்துகொள்ள முடியும். நாம் குறிப்பிட்ட வார்த்தையை கூகளிட்டால், அது தொடர்பான அனைத்து தகவல்களும் நொடிப்பொழுதிற்குள் கண்ணுக்குமுன் தோன்றிவிடும். அடுத்ததாக, கைதொலைபேசியின் முக்கிய அம்சமே யூடுயூப் என்னும் கானொளிப் பொறி. இதில் இல்லாத தலைப்பே இல்லை எனலாம். திரைப்படங்கள், திரைப்பாடல்கள், உலக நிகழ்வுகள், என அனைத்தையும் இதில் பார்க்கலாம்.
    கையடக்கதொலைபேசி இயங்கும் கல்வி தொடர்பான செயலிகள், வகுப்பறையையே நம் உள்ளங்கைக்குள் கொண்டு வந்து விடுகின்றன.
    ‘ ஒரு பானை சோற்றுக்கு ஒரு சோறு பதம்’ என்ற வாக்குகேற்ப கைதொலைபேசி நவீனத் தொழில் நுட்பத்தின் சிறு எடுத்துக்காட்டே! தொழில் நுட்பைப் பற்றிச் சொல்லிக் கொண்டே போகலாம்.
    சேவா மாணிக்கம்
    கான் எங் செங் பள்ளி
    உயர்நிலை 2

  2. தகவல் சாதனம்
    இன்றைய தகவல் தொழில்நுட்ப யுகத்தில் கைபேசி குழந்தை போல அனைவரின் கைகளிலும் தவழ்கிறது. கைபேசி நல்ல சேவகன் ஆனால் ஒர் ஆபத்தான தலைவன் . பேசிகள் பயன்பாட்டில் சில நன்மைகளும் இருக்கிறது. முதல் பயன் அவரசரப் பயன்பாடு, இணையப் பயன்பாடு, தொடர்பு கொள்ள என பல வழிகளில் பயன்படுகிறது. கைபேசி இல்லா இல்லம் இல்லை இளைஞர்கள் இல்லை ஏன்? உயிரினமே இல்லை என்பது போல ஆகிவிட்டது.. ஒரே வீட்டில் ஒரு அறையில் இருந்து ஒருவருக்கு ஒருவர் பேசாமல் செய்திகள் பரிமாறிக்கொண்டு சிரிப்பதைக் காண்பது மிகவும் கோமாளித்தனமல்லவா? உள்ளது.
    இளைஞர்களாகிய நாம் கைபேசியின் பயன் அறிந்து பயன்படுத்த வேண்டும். சில நேரங்களில் ஆபத்தாகவும் முடிகிறது. இணையத்தில் சில தகாத பக்கங்கள் வந்து விடுகிறது. இதனால் நம் கவனம் சிதறுகிறது.
    ஆகவே கைபேசியின் பயன்கருதிப் பயன்படுத்தினால் ஆபத்தில்லை என்பது என் கருத்தாகும்.. நன்மை இருப்பினும் … தீமையும் உண்டு..எனவே நாம் நல்ல விசங்களுக்காக மட்டுமே பயன்படுத்ததுவோம்.
    தன்மதி த\பெ பன்னீர் செல்வம்
    உயர்நிலை ஒன்று (விரைவு)
    யுவான் சிங் உயர்நிலைப் பள்ளி

  3. இன்றைய நவீன யுகத்தில் நாம் பலதரப்பட்ட சாதனங்களை கையாள்கிறோம். அதில் மிக முக்கிய இடத்தைப்பிடித்து அனைவரிடத்திலும் இன்றியமையாத ஒன்றாக இருப்பது கைத்தொலைபேசி. குழந்தைகள் முதல் பெரியவர்கள் வரை அனைவரும் பயன்படுத்தும் வகையில் ஏற்றதாக பல வடிவங்களில் தோற்றம் எடுத்துவருகிறது. தொலைத்தொடர்பு சாதனமாக மட்டுமே பயன்படுத்திய காலம் போய் இன்று உலகளாவிய அனைத்து செய்திகளையும் உடனுக்குடன் நொடிப்பொழுதில் பகிரக்கூடிய மிக முக்கிய சாதனமாக உள்ளது. இப்படிப்பட்ட கைத்தொலைபேசியை பயன்படுத்தும் நபரில் நானும் ஒருவர்.
    உலகின் மூலையில் எங்கோ இருக்கும் ஒருவருடன் கூட நினைத்த நேரத்தில் தகவல்களை பகிரமுடிகிறது. மேலும், இதன்மூலம் எங்கிருந்தும் நம்மால் உலகில் நடக்கும் சிறிய முதல் பெரிய நிகழ்வுகள் வரை உடனுக்குடன் அறிய முடிகிறது. இது குழந்தைகள் முதல் வயதானவர்கள் வரை உபயோகிக்கும் பொழுதுபோக்கு சாதனமாக மாறியுள்ளது. இச்சாதனத்தின் மூலம் நாம் தனிமை என்ற ஒரு நிலையை மறந்து மகிழ்ச்சியாக வாழமுடிகிறது.
    அனைவருக்கும் உபயோகமாக உள்ள இச்சாதனத்தின் மூலம் மிகப்பெரிய தீமைகளும் உள்ளன. இதை தொடர்ச்சியாக உபயோகிப்பதன் மூலம் பார்வைக்குறைபாடு, நரம்பியல் சம்பந்தப்பட்ட பிரச்சனைகள் என பல இன்னல்களை சந்திக்க நேரிடுகிறது. அருகில் வசிப்பவருடன் கூட நடைமுறை வாழ்க்கையை வாழமுடிவதில்லை. ஆதலால் இப்படிப்பட்ட சாதனத்தை அவசியத்தேவைக்கு மட்டுமே பயன்படுத்தி அமைதியான வாழ்க்கை வாழ கற்றுக்கொள்வோம். இதுபோன்ற தொழில்நுட்ப சாதனங்களைப் பயன்படுத்தி சாதகங்களை ஏற்று பாதகங்களை தவிர்க்க முயற்சிப்போம்.
    கரிஷ்மா
    உயர்நிலை ஒன்று (விரைவு)
    யுவான் சிங் உயர்நிலைப்பள்ளி

  4. இன்றைய நவீன யுகத்தில் எல்லாரிடமும் ஒரு கைத்தொலைப்பேசி இருக்கிறது.ஒரு குழந்தைக்குகூட பொம்மை கைத்தொலைப்பேசி இருக்கிறது.இதைப்போல் என்னிடமும் ஒரு கைத்தொலைப்பேசி இருக்கிறது.நான் அதிகம் பயன்படுத்தும் சாதனம் அதுவாகும்.நான் அதை அதிகமாக பயன்படுத்தும் காரணம் பொழுதுபோக்கும்
    சாதனமாக பயன்படுத்துவேன்.அதிகாலையில் பேருந்து வரும் நேரத்தை கைத்தொலைப்பேசி முலம் கன்டுபிடிக்கமுடியும்.பின் சொற்களுக்கு பொருள் தெரியவில்லை என்றால் கைத்தொலைப்பேசி மூலம் அறிந்து கொள்ளலாம்.
    கண்ட இடங்களில் சிலர் தொலைபேசியில் பேசிக்கொண்டும் படம் பார்த்துக்கொண்டும் செல்வதால் பிறருக்கு தொந்தரவு என்பதை விட நமக்கு ஆபத்து அதிகம் என்பதை உணர மறுக்கிறோம். ஆனால் அப்படி சென்று விபத்தில் சிக்கிய பிறகு வருந்திப் பயன் இல்லை.
    தொழில்நுட்பச் சாதனங்களினால் நன்மையும் உண்டு தீமையும் உண்டு. நன்மையாகவும் தீமையாகவும் மாற்றுவது நமது கையில் தான் உள்ளது.
    கிஷோர்
    உயர்நிலை ஒன்று
    யுவான் சிங் உயர்நிலைப் பள்ளி

  5. நான் அதிகம் பயன்படுத்தும் சாதனம் தொலைப்பேசி. ஏனென்றால் அதிலிருந்து என் நண்பர்களிடம் பேசமுடியும்.
    மற்றும் நான் நிறைய கணினி விளையாட்டுகள், பாடம் சமந்தமான தகவல்கள்,செய்திகள் போன்றவற்றை அறிந்து கொள்வேன்.
    ஆனால் என் பொற்றோர் என்னை அதிக நேரம் பயன்படுத்த அனுமதிக்கமாட்டார்கள்.
    என் நண்பர்கள் சிலர் அதிக நேரம் பயன்படுத்துகிறார்கள். ஆதனால் அவர்கள் பள்ளிப் பாடத்தில் ஆதிகக் கவனம் செலுத்த தவறுவதால் அவர்களுக்கு மதிப்பெண்கள் குறைந்து பெற்றோரிடம் திட்டுவாங்குவார்கள்.
    சிலர் கைப்பேசி இல்லை என்றால் பைத்தியம் பிடித்துவிட்டதுபோல இருப்பார்கள்.
    நண்பர்களே !!! தொலைபேசியை தொல்லைப்பேசியாக ஆக்காமல் நல்ல வழியில் பயன்படுத்துங்கள்.
    சாயி சுப்பிரமணியன்
    உயர்நிலை ஒன்று
    யுவான் சிங் உயர்நிலைப் பள்ளி

  6. நம் அன்றாட வாழ்க்கையில் தொழில்நுட்பம் ஒரு பெர்ய பங்காக இருக்கிறது. நம் படிப்பிலிருந்து நாம் குடிக்கும் தண்ணீர் வரை தொழில்நுட்பம் இருக்கிறது. இன்றைய காலத்தில் தொழில்நுட்பம் இல்லாத ஒரு இடத்தை யோசித்து பாருங்கள்!மிகக் கடினம்!அப்படிப்பட்ட தொழில்நுட்பத்தைப் பாதுகாத்து சரியாகப் பயன்படுத்துபவ்ர்கள் பலரே. ஆனால் அதயே மற்றவர்களுக்கு நரகமாக்குவது சிலர்.
    தொழில்நுட்பம் என்றால், கையடக்கத்தொலைபேசி,கணினி,
    புகைப்படக்கருவி எனப் பல இருக்கின்றன.கையடக்கத்தொலைபேசி,
    எங்குச் சென்றாலும்,எங்கிருந்தாலும் நமக்கு தேவையான வேலையை செய்யலாம். அதுமட்டும்மில்லாமல்,ஒருவரோடு ஒருவர் தொடர்புக்கொல்வதற்கு சிறந்த கருவியாக கையடக்கதொலைபேசி திகழ்கிறது.நம் உறவினர்களோடு சேர்த்து வைக்கிறது மற்றும் ஆபத்தின் போது உதவிக்கு காவலர்கள் போன்றவர்கைள தொடர்புக்கொள்ள உதவிக்கரங்களாக இருக்கின்றன. கணினி,வீட்டில் பெரிய திரையில் படம் பார்க்க உதவுகிறது.பள்ளி அல்லது பணி வேலைகளை அதில் வசதியாக செய்யலாம். அதற்கும் மேல் இவையெல்லாம் நம் தனிமை அல்லத துக்க நிலையை மறக்கச் செய்து மகிழ்ச்சி கடலில் மூழ்கச் செய்கிறது.
    புகைப்படக்கருவி, நம் அருமையான,இனிமையான காலங்களை நினைவூட்டுகிறது.எத்தனை வருடங்களானாளும் அந்த கண் கலிரும் காட்சியை பார்த்து பார்த்து மகிழலாம்.இத்தனை நல்ல விஷயங்களை உருவாக்கிய தொழில்நுட்பம், மனிதர்களால் தீமையாகவும் பயன்படுத்தப் படுகிறது.
    ஒருவரின் நிம்மதியை குலைப்பதற்க்கு.
    மற்றவர்களை பற்றி தவராக முகநூலில்(Facebook)போட்டு மணதை காயப்படுத்துகிரார்கள்.புகைப்படக்கருவியை வைத்து படம் எடுத்து அவர்களை மிறட்டுகிறார்கள்.
    எனவே,இத்தகைய இன்னல்களும் சந்திக்க வேண்டியினுக்கும்.இதையெல்லாம் தவிர்த்து நிம்மதியான சத்தேசமான வாழ்க்கையை வாழ முயர்ச்சிக்க வேண்டும். மற்றவர்களை துன்பப்படுத்துவதில் ஒரு பயனும் இல்லை.தொழில்நுட்த்தின் சாதகங்களை உயர்த்தி பாதகங்களை தவிர்க்க முயர்ச்சிப்போம்.
    LAKSHITAA
    YUAN CHING SECONDARY SCHOOL
    1E1

  7. DEENADAYALAN AMIRTHAA
    JURONG SECONDARY SCHOOL
    இருபதாம் நூற்றாண்டில் விஞ்ஞான வளர்ச்சி என்பது அசுர வேகத்தில் வளர்ந்ததுள்ளது. அதன் பயனாகத்தான் இன்றைய விஞ்ஞான உலகமே உருவாகிவருகிறது. பலவிதமான சாதனங்கள் இந்த நூற்றாண்டில் கண்டுபிடிக்கப்பட்டுள்ளன. அவற்றில் நான் அதிகமாக பயன்படுத்துவது கைதொலைபேசியாகும். இந்த கைதொலைபேசி தான் இன்றைய உலகையே ஆள்கின்றது என்று கூறினால் அது மிகையாகாது. கைதொலைபேசி என் வாழ்க்கையையே சுலபமாக்கிவிட்டது. இவற்றில் இல்லாத பயன்பாடுகளே இல்லை எனலாம். மேலும் இவற்றின் மூலம் இருந்த இடத்தில் இருந்துகொண்டே பல எண்ணற்ற செயல்களில் ஈடுபடமுடிகிறது. அதுமட்டுமல்லாமல் அவசரமான நேரத்தில் மற்றவர்களுடன் விரைவாகத் தொடர்புகொள்ள முடிகிறது. கல்விசார்ந்த சந்தேகங்கள் ஏற்பட்டால் இணையத்தில் உள்ள தகவல்களைப் படித்தோ அல்லது வல்லுனர்களிடம் கேட்டோ தெரிந்துகொள்ளமுடிகிறது. நமது கைக்குள் புதையல் போல் கொட்டிக்கிடக்கும் உலக செய்திகளை உடனுக்குடன் தெரிந்துகொள்வதால் நாம் கிணற்று தவளைப்போல இருப்பதில்லை.
    கைதொலைபேசி ஒரு பொழுதுபோக்கு சாதனமாகவும் விளங்குகிறது. இது உருவாகி பல ஆண்டுகள் கூடாகாத நிலையில் அதன் ஆற்றல் பல மடங்கு பெருகி பல நன்மைகளை விளைவிக்கிறது. நன்மையொன்று ஏற்பட்டால் தீமையொன்று தோன்றுவது இயற்கையன்றோ? அதுபோல தான் கைதொலைபேசியில் பல தீமைகளும் இருக்கிறது. இங்கு கிடைக்கும் செய்திகள் அனைத்தும் உண்மையானதா? இதில் மக்கள் பலரும் பல தகவல்களைப் பரிமாறுகிறார்கள் அது சில நேரங்களில் அவர்களது கருத்துகளாக இருக்கலாமே தவிர உண்மையாக இருக்கும் என்று உறுதியாக கூறமுடியாது.
    சிலர் தொலைபேசியைப் பயன்படுத்தி பல வதந்திகளைப் பரப்புகிறார்கள். இதனால் அப்பாவி மக்கள்தான் பாதிக்கப்படுகிறார்கள். இதுபோன்ற தீமைகளுக்கும் தொலைபேசி இடங்கொடுக்கிறது. கத்தியை காய்கறி வெட்டவும் பயன்படுத்தலாம் கொலை செய்யவும் பயன்படுத்தலாம். இதுபோல கைதொலைபேசியை எப்படி பயன்படுத்துவது என்பது ஒவ்வொருவரின் கையில் உள்ளது. அப்போதுதான் கைதொலைபேசியின் வளர்ச்சியை பிற்கால தலைமுறையினரும் அனுபவிக்க முடியும்.
    தீ. அமிர்தா
    ஜூரோங் உயர்நிலைப் பள்ளி

  8. ‘இவ்வையகமே நம் கைகளில்’ என்ற வாசகத்தின் பொருளைச் சித்தரிக்கும் வகையில் தான் நமது நவீன வாழ்க்கை முறையும் அமைந்திருக்கிறது.நாம் பயன்படுத்தும் பல சாதனங்களில் எனக்குப் பிடித்தது இன்றைய நவீனக் கைத்தொலைப்பேசியே ஆகும். நம்மைப் போன்ற இன்றைய இளைஞர்களுக்கு அதிகம் உதவும் தொழில்நுட்ப சாதனமும் அதுவே ஆகும்.
    இன்றைய திறன்பேசியின் மூலம் நாம் மற்றவர்களுடன் உரையாட மட்டுமின்றி பொழுதுபோக்கு,புதிய தகவல்கள் அறிந்துகொள்வதற்கு,அறிய விஷயங்களைப் பகிர்ந்து கொள்வதற்கு, ஏன் புகைப்படம் எடுக்கக் கூட பயன்படுத்தலாம். எவ்வாறு ஒரு பனைமரத்தின் அனைத்துப் பாகங்களும் பயனுள்ளதாகஉள்ளதோ அவ்வாறே ஒரு நவீன கைத்தொலைபேசி ஒத்தாசையாக இருக்கிறது.பொழுதுபோக்குக்காக இன்றைய திறன்பேசியில் பல்வேறு விளையாட்டுகள் உள்ளன.மன உளைச்சலைப் போக்குவதற்காகவும் களைத்திருப்பதால் படிப்பிலிருந்து ஓய்வு பெறவும் இவ்விளையாட்டுகளை விளையாடலாம்.அது மட்டுமா?பொழுதைப் போக்க ‘கூகலில்’ ஒளிக்காட்சிகள்,திரைப்படங்கள் போன்றவற்றைக் கண்டு ரசிக்கலாம். வீட்டில் தொலைக்காட்சி இன்றி ஏங்கும் மாணவமணிகள் கைத்தொலைபேசியிலேயே தாங்கள் காண விரும்பியவற்றைத் தங்களுடைய கைத்தொலைபேசியிலேயே பார்த்து மகிழலாம். மேலும்,பொழுதுபோக்கிற்காக கதைப்புத்தகங்களைத் தாள்களில் படிப்பதைவிட கைத்தொலைபேசியிலேயே வாசிக்கலாம்.இதனால் கனமான நூல்களைப் பைகளில் வைத்துப் பயணங்களின்போது தூக்கிச் செல்ல வேண்டிய அவசியமில்லை.
    பொழுதுபோக்கிற்காக மட்டுமில்லாமல் தகவல் அறிந்துகொள்வதற்காகக் கூட உபயொகிக்கலாம். பள்ளியில் தரப்படும் ஒப்படைப்புகளை முடிப்பதற்காக நம்மைப் போன்ற மாணவர்கள் நூகத்திற்குச் செல்ல வேண்டியதில்லை.நூல்களைத் தேடி அவற்றைக் கண்டுபிடித்து சுருக்கி எழுதுவதற்குள் எழுதுவதற்குள் வீட்டிலிருந்தபடியே ஐந்தே நிமிடங்களில் தேவைப்படும் அனைத்து தகவல்களையும் சேகரித்துவிடலாம். அத்துடன், எதைச் செய்யத் தெரியாவிட்டாலும் உடனே ‘யூடியூப்பிலிருந்து’ அனைத்தையும் கொஞ்ச நேரத்தில் கற்றுக்கொள்ளலாம்.
    அடுத்தப்படியாக,’வாட்சாப்’ என்ற தொழிநுட்ப வசதியின் மூலம்நாம் நண்பர்களுடன் அரிய செய்திகளைப் பகிர்ந்து கொள்வதோடு நாமும் பல விஷயங்களைத் தெரிந்துகொள்ளலாம்.
    ‘வெள்ளத்தால் அழியாது;வெந்தணலால் வேகாது
    கொள்ளத்தான் முடியாது;கொடுத்தாலும் குறையாது’
    என்ற பொன்மொழி கல்வியின் அற்புதத்தை வனப்போடு சித்தரிக்கிறது. கல்வி என்பது எவ்வழியிலும் கற்றுக்கொள்ளப்படலாம். ஆனால், மாணவர்களாகிய நாம் எவ்வளவு தான் கற்றாலும்,
    ‘கற்றது கைமண்ணளவு கல்லாதது உலகளவு’
    என்ற முதுமொழியைப் போல் நமக்குத் தெரியாதவை இவ்வுலகில் பல உள்ளன. அவற்றை நாம் எளிதாக திறன்பேசியைப் பயன்படுத்திப் புகைப்படங்கள் எடுக்கலாம்.முன்பு போல்,புகைப்படக் கருவியைக் கொண்டு தான் புகைப்படம் எடுக்கலாம்.முன்பு போல்,புகைப்படக் கருவியைக் கொண்டு தான் புகைப்படம் எடுக்க வேண்டிய கட்டாயம் இப்பொழுது இல்லை.
    இருப்பினும், எவ்வளவு தான் நன்மைகள் இருந்தாலும் தீமைகளும் திறன்பேசியால் விளைகின்றன!மாணவர்கள் அதிகமாக திறன்பேசிகளைப் பொழுதுபோக்கிற்காக உபயோகிப்பதால் படிப்பில் கவனம் செலுத்த முடியாமல் திண்டாடுகின்றனர். விளையாட்டுகளில் அதீத ஆர்வம் கொண்டு நம்மைப் போன்ற மாணவர்கள் அவற்றுக்கு அடிமையாகின்றனர். அது மட்டுமாமா? பெற்றோர்கள் அவர்களுக்கு ஆரம்பக் கட்டத்திலேயே ஆலோசனைகள் வழங்காமல் இருப்பதால் நாளடைவில் வீட்டுப்பாடங்கள், படிப்பு, வெளிவிளையாட்டு, பாசம் போன்ற அனைத்தையும் புறக்கணித்து விடும் மாணவர்களும் உள்ளனர். விளையாட்டுகளுக்கு அடிமையாகாவிட்டாலும் மாணவர்கள் அதிக நேரம் கைத்தொலைபேசியைப் பிரயோகிப்பதால் தூக்கமின்மை,தண்ணீர் குறைபாடு,கண் பிரச்சினைகள் போன்றவற்றிற்கு ஆளாகின்றனர். இதனால், முப்பது வயதிலேயே உடல் நலம் குன்றி பல நோய்களுக்கு உள்ளாகின்றனர்.
    ‘சுவர் இருந்தால்தான் சித்திரம் வரைய முடியும்’
    என்ற பொன்மொழியைப் போல் நம் உடல் நன்றாக இருந்தால் தான் நாம் ஆரோக்கியமாக அன்றாட வேலைகளைச் செய்யலாம்.
    அத்துடன், ‘வாட் சாப்’ என்ற தொழில்நுட்ப வசதியால் மாணவர்கள் எப்பொழுதும் திறன்பேசியைக் கொண்டு நண்பர்களுடன் உரையாடிக் கொண்டிருக்கிறார்கள்.அது மட்டுமா?தெரியாத கேள்விகளை மீண்டும் முயற்சித்துச் செய்துப் பார்க்க சலிப்படைந்து நண்பர்களிடம் விடையைக் கேட்டு அதை அப்படியே பார்த்து எழுதுகின்றனர். இதனால், தேர்வின்போது அம்மாதிரியான வினாக்களுக்கு விடையளிக்கத் தடுமாறுகின்றனர். இன்னும் இயம்ப போனால், இன்றைய இளைஞர்கள் தங்களின் புகைப்படங்களை ‘இன்ஸ்டாகிராம்’, ‘ஸ்னாப்சாட்’ மற்றும் ‘டுவிட்டர்’ போன்ற வளைத்தளங்களில் பதிவு செய்துகொள்கின்றனர்.ஆனால், இதைச் சிறிது நேரம் மட்டும் செய்யாமல் தொடர்ந்து செய்வதால் படிப்பில் கவனம் செலுத்த தவறுகின்றனர்.
    மேலும், இணையத்தில் அறிமுகமில்லா நபர்களிடம் தனிப்பட்ட விவரங்களைப் பகிர்ந்துகொள்வதால் திருட்டு, பணமோசடி போன்றவை நடக்க வாய்ப்புண்டு!மேலும், நாம் திறன்பேசியைப் பிரயோகிப்பதால் குடும்பப்பிணைப்பு பலவீனமடைகிறது. குடும்ப உறுப்பினர்களிடையே வெகு விரைவில் தகராறுகள் ஏற்படுகின்றன.மேலும், திறன்பேசியைத் தொடர்ந்து பயன்படுத்துவதால் பாசம் என்றால் என்னவென்று நம்மைப் போன்ற இன்றைய இளைஞர்களுக்குத் தெரியாமல் போகிறது. அதனால், பெற்றோர்கள் மூப்படைந்தவுடன் பிள்ளைகள் அவர்களைக் கண்ணும் கருத்துமாகக் கவனிக்காமல்;அன்பு செலுத்தாமல் முதியோர் இல்லங்களில் சேர்த்துவிடுகின்றனர்.
    ‘பெத்த மனம் பித்து பிள்ளை மனம் கல்லு’
    என்று நம் முன்னோர்கள் கூறியது போல இன்றைய இளைஞர்கள் அன்பு என்றால் என்னவென்று அறியாமல் பெற்றோர்களைக் கைவிட்டு விடுகின்றனர்.
    ஆகையால்,நாம் திறன்பேசியின் நன்மை தீமைகளை அறிந்து அதைப் பாதுகாப்பதோடு பிரயோகிக்க வேண்டும்.

  9. இப்போதெல்லாம்,தொலைபேசி நம் வாழ்வில் முக்கிய பங்கு வகிக்கிறது, இது நமக்கு பல நன்மைகளைத் தருகிறது, ஆனால் சில குறைபாடுகள் உள்ளன.
    பொதுவாக, தொலைபேசி நிச்சயமாக நிறைய நன்மைகள் கொண்டு வரும். முதலில், தொலைபேசி நம் அன்றாட வாழ்வில் மிக விரைவான தகவல்தொடர்பு கருவியாகக் கருதப்படுகிறது, எங்களது நண்பர்களுடனும் உறவினர்களுடனும் தொடர்புகொள்வது அல்லது செய்திகளை எங்கு வேண்டுமானாலும் எளிதாகத் தொடர்பு கொள்ளலாம். இரண்டாவதாக,தொலைபேசி என்பது மக்களுக்குப் பொழுதுபோக்கிற்கான வழிமுறையாகும். நாம் இசை கேட்க மற்றும் தொலைபேசியில் விளையாடலாம். மேலும், ஸ்மார்ட்போன்களுக்கு சமீபத்திய பயன்பாடுகளைப் பயன்படுத்துவதன் மூலம், திரைப்படத்தைப் பார்ப்பதற்கு இணையத்தில் அணுகலாம், இறுதியில் நாம் கையில் ஒரு ஸ்மார்ட்போன் இருந்தால், நம் ஆய்வு அகராதி போன்ற மிகவும் பயனுள்ளதாக இருக்கும், இணையத்தில் பல ஆதார நூல்களைக் கண்டுபிடிக்க இது பயனுள்ளதாக இருக்கும் இது ஆய்வு.
    மறுபுறம், தொலைபேசி கூடப் பல தீமை. முதலாவதாக, தொலைபேசி பயனர்கள் தங்களின்தொலைபேசியை சார்ந்து இருக்கிறார்கள் என்றால், அதைப் பொறுத்து, தொலைபேசியில் இன்னும் சில சந்தர்ப்பங்களில் வர்க்க சந்திப்புகள், பஸ்சில், பூங்காவில், இன்னும் அதிகமாக இருந்தால், மனிதத் தொடர்புக்கான திறன் குறைவாக இருக்கும் … சிலர் தொடர்பு கொள்ளாமல் தங்கள் தொலைபேசியில் கவனம் செலுத்துகிறார்கள். தொலைபேசியை பயன்படுத்துவது மக்களுக்கு நிறைய நேரத்தை எடுத்துச்செல்கிறது. ஆய்வின் முடிவுகளில் செல்வாக்கு செலுத்துவது மட்டுமல்லாமல், மாணவர்கள் திசைதிருப்பப்படுவதையும், ஆனால் இது கண்கள்பற்றிய நோய்க்குக் காரணமாகும். கடைசியாக, நாம் வாகனம் ஓட்டும்போது தொலைபேசியைப் பயன்படுத்தக் கூடாது, ஏனென்றால் அது போக்குவரத்து விபத்துக்களை ஏற்படுத்தும்.
    முடிவில், இன்றைய நவீன வாழ்க்கையில் தொலைபேசி அவசியம். எவ்வாறாயினும் அது எமது வழிகளைப் பொறுத்து உதவுவது அல்லது உதவாது. அது உண்மையான நோக்கத்திற்காகவும் பொருத்தமான நேரத்திலும் பயன்படுத்தினால் நன்றாக இருக்கும்.
    ரபீக் முகமது லுபிஃனா ஜோஹார்
    St.Hilda secondary school

  10. தகவல் சாதனம்
    ஏழை,பணக்காரன்,பெரியவர்,சிறியவர் என்ற ஏற்றதாழ்வு இன்றி அனைவர் கரத்திலும் தவழும் ஒரே குழந்தை அதிநவின கைத்தொலைபேசி.அது உள்ளடக்கி வரும் தொழில்நுட்பம் அநேகம்,அதில் ஒன்று தான் புகைப்படகருவி.
    நாணயத்தின் இரு பக்கங்கள் போல இத்தொழில்நுட்பத்திற்கு சாதகங்களும் உண்டு பாதகங்களும் உண்டு.பாடங்களில் எற்படும் சந்தேகங்களை தெளிவு படுத்த பலவேலைகளில் இந்த புகைபடம் உதவிகிறது. வார்தைகளால் விவரிக்க முடியத சந்தேகங்களை காகிததாளில் எழுதும் போழுது கூறவிரும்பியதை தெளிவுற கூறி அதை புகைபடம் எடுத்து ஆசிரியருக்கு தகவல் தொழில்நுட்பம்,முலம் அனுபி ஐயங்களை தெளிவு படுத்திகொள்ள முடியும்.இவை அனைத்துமே குறுகிய நேரத்தில் செயல்படுத்தகூடிய ஒன்று.
    அந்த தொழில்நுட்பம் தான் உன் அனுமதி இன்றி.உன்னை புகைப்படம் எடுக்க வழி,வகுக்கின்றது உன் அனுமதி இன்றி எடுக்க படும் புகைப்படம் நல்ல நோக்கத்திற்காக எடுத்திருக்க படமாட்டாது.அந்த புகைபடங்கள் பகிரபடும் வலைதளங்களை பொருத்தே திமையின் அளவு நிர்ணயக்கபடுகிறது.பாலை பிரித்து உண்ணும் அன்ன பறவையை போல தொழில்நுட்ப வளர்ச்சியின் சாதகங்களை எடுத்துக்கொண்டு பாதங்களை தவிர்த்துகொண்டு வாழ கற்றுக்கொள்ள வேண்டும்.ஆண்டு முழுவதும் ஒரே பருவநிலை இருப்பது இல்லை மரங்கள்,செடிகள் பருவநிலைக்கு ஏற்றவாறு மாற்றிகொள்வதுபோல நாமும் சூழ்நிலைக்கு தக்கவாறு நம்மை நாமே வழிநடத்தி கொள்ளவேண்டும்.
    தாரணி
    உயர்நிலை இரண்டு
    யுவான் சிங் உயர்நிலைப் பள்ளி

  11. இன்று நம் அன்றாட வாழ்க்கையில் எங்கு திரும்பினாலும் தொழில்நுட்பம்.. ஒரு குழந்தை பிறப்பது முதல் இறப்பது வரை அதன் வாழ்க்கையில் தொழில்நுட்பம் இன்றிமையாத ஒன்றாக திகழ்கிறது. உயிர் காப்பதும் தொழில்நுட்பமே, அதை கெடுப்பதும் தொழில்நுட்பமே. நமது வாழ்க்கையில் இந்த அளவு பெரிய தாக்கத்தை ஏற்படுத்தும் தொழில்நுட்பத்தின் உண்மையான அர்த்தம்தான் என்ன?
    தொழில் நுட்பம் என்பது, பொருட்கள் அல்லது சேவைகள் உற்பத்தி செய்ய பயன்படும் அறிவியல் நுட்பங்களின் தொகுப்பு. கைத்தொலைப்பேசி தொழில்நுட்பத்தின் ஒரு முக்கியமான அம்சம். அது அவ்வாறு அழைக்கப்படுவதற்கு ஒரு முக்கிய காரணம், 1876 ஆம் ஆண்டு மார்ச் பத்தாம் தேதி அலெக்சாண்டர் கிரகாம் பெல் கண்டுபிடித்த தொலைப்பேசியும் இக்காலத்தில் நாம் பயன்படுத்தும் திறன்பேசிகளும் முற்றிலும் வேறுபட்டவையாகும் என்பதுதான். அன்று கண்டுபிடிக்கப்பட்ட தொலைப்பேசி இரு நபர்கள் மட்டுமே பேச வழிவகுத்தது. ஆனால் இன்றோ நிலைமை முற்றிலும் வேறுபட்டது. தொலைவிலிருக்கும் நமது நண்பர்களையும் உறவினர்களையும் காண நாம் அங்கு இருக்கவேண்டும் என்று அவசியமல்ல. திறன்பேசிகளில் முகம் பார்த்து பேசும் செயலிகள் பல இன்றைய தொழில்நுட்ப உலகை ஆட்சிசெய்துகொண்டிருக்கின்றன. இது போதாது, தொழில்னநுட்பத்தில் மேலும் வளர்ச்சி காண வேண்டும் என்று துடிப்புடன் செயல்படுபவர்கள் நம்மிடையே இருக்கத்தான் செய்கின்றார்கள். வர்த்தகம், அறிவியல், பொறியியல், ஆய்வு, கல்வி, கண்டுபிடிப்புகள், வடிவமைப்புகள், கட்டுமானம் மற்றும் மருத்துவம் ஆகிய துறைகளில் தொழில்நுட்பம் வெகுவாக பயன்படுத்தப்படுகின்றன. 2050க்குள் இந்த பட்டியல் விரிவடையும் என்பது வல்லுனர்களின் கணிப்பு.
    இன்று தொழில்நுட்பம் நமது பரந்த உலகை சிறியதாக்க்யிருக்கின்றது என்று கூறினால் மிகையாகாது. பிப்ரவரி 2004இல் மார்க் சக்கர்பெர்க் ஃபேஸ்புக் எனப்படும் சமூக வலைத்தளத்தை உருவாக்கினார் என்பது நம் எல்லோருக்கும் தெரிந்த சங்கதிதான். அவரது பெயர் தொழில்நுட்ப உலகில் பொறிக்கப்பட்டுள்ளது அவ்வளவு சுலபமாக நடந்த நிகழ்வல்ல. ஃபேஸ்புக் உருவாக்கப்படும்போது மார்க் சக்கர்பெர்க்கின்மீது பல குற்றச்சாட்டுகள் சுமத்தப்பட்டன. அவர் பயின்றுகொண்டிருந்த பல்கலைக்கழகத்தில் கணினிகளின் பாதுகாப்பை உடைத்ததற்காகவும், பதிப்புரிமையை மீறியதற்காகவும், ஒரு தனி மனிதனின் அந்தரங்கத்தை மீறியதற்காகவும் அவர் படித்த ஹார்வர்ட் பல்கலைக்கழகத்திலிருந்து அவர் நீக்கப்பட்டார். ஆனால் அதோடு அவரது வாழ்க்கை முடிந்துவிடவில்லை. அவர் ஃபேஸ்புக்கை ஆரம்பித்த ஒரு மாதத்திலேயே அவரது பல்கலைக்கழகத்தில் படித்துக்கொண்டிருந்த பாதிக்கும் மேற்பட்ட இளங்கலை மாணவர்களுக்கு மத்தியில் பிரபலமானது. பின்னர், அவர் அந்த வலைத்தளத்தை இதர மூன்று பல்கலைக்கழகங்களில் விரிவுபடுத்தினார். 2000இல் இருந்து இணையத்தள உலகம் என்று அழைக்கப்படும் நம் உலகத்தில் அவரது கண்டுபிடிப்பு நான்கே ஆண்டுகளில் பிரபலமனது. அன்று ஆரம்பித்தது அவர் காட்டில் மழை. இன்று, ஃபேஸ்புக், இன்ஸ்டாக்ராம், வாட்சப் என்ற இதர இரண்டு நிறுவனங்களையும் தன்வசம் கொண்டுள்ளது. இதற்கு காரணம் மார்க்கின் உழைப்பு மட்டுமல்ல. தொழில்நுட்பம் அவருக்கு பல்வேறு தரப்பினரின் கவனத்தை ஈர்த்த பெருமையைத் தேடித்தந்தது. அந்த பெருமையே காலப்போக்கில் பணமாக மாறி இப்பொழுது தொழில்நுட்ப உலகில் அவரை ஒரு பெரிய புள்ளியாக சித்தரிக்கின்றது. பல்கலைக்கழகத்தில் பட்டப்படிப்பை பாதியில் விட்டுவிட்டு தன் லட்சியத்தைத் தேடிச்சென்ற மார்க்கின் வாழ்க்கையைவிட தொழில்நுட்பம் மனிதனுக்கு சாதகமே என்று எடுத்துக்கூற வேறு நல்ல உதாரணம் வேண்டுமா என்ன?
    இதுபோன்று பற்பல நன்மைகளை நமக்கு செய்திருக்கும் தொழில்நுட்பம், பல தீங்குகளையும் விளைவித்திருக்கின்றது. ஒரு நாணயத்திலிருக்கும் இரண்டு பக்கங்களைப்போல தொழில்நுட்பத்திற்கும் நன்மைகளும் தீமைகளும் உள்ளன. நாளொரு மேனியும் பொழுதொரு வண்ணமுமாகத் தகவல் தொழில்நுட்பம் வளர்ந்துவரும் இக்காலக்கட்டத்தில் பெரிதும் பாதிப்புக்குள்ளாகி இருப்பது என்னவோ நமது மாணவச் சமுதாயம்தான். இதற்கு பல்வேறு காரணங்கள் உள்ளன.
    முதலாவதாக, மாணவர்களின் படிப்புக்கு இது சில சமயங்களில் பெரிய தடையாக உள்ளது என்று வெளிப்படையாக கூறலாம். மாணவர்கள் அன்றாடம் பயன்படுத்தும் திறன்பேசிகள் ஒருவருக்கு ஒருவர் பேசுவதற்கு மட்டும் வடிவமைக்கப்பட்டது அல்ல என்பதை நாம் நினைவில் வைத்துக்கொள்ள வேண்டும். இக்காலத்தில் வாட்சப், ஃபேஸ்புக், இன்ஸ்டாக்ராம், டுவிட்டர் மற்றும் ஸ்னாப்சாட் போன்ற பல்வேறு செயலிகள் உருவாக்கப்பட்டுள்ளன. உருவாக்கப்பட்டும் இருக்கின்றன. இவற்றில் சில படிப்புக்கு தேவையற்றவை. நண்பர்களுடன் தொடர்பு கொள்ளவும் நம் அன்றாட வாழ்வில் நடக்கும் விஷயங்களைப்பற்றி பகிர்ந்துக்கொள்ளவே இந்த செயலிகள் உருவாக்கப்பட்டுள்ளன. இதில் வருத்ததிற்குரிய விஷயம் என்னவென்றால் மாணவர்கள் தாங்கள் கவனத்தை செலுத்தவேண்டிய விஷயங்களை விட்டுவிட்டு கைத்தொலைப்பேசியே கதி என்று இருக்கின்றனர். இப்பழக்கத்தை மாற்ற வீடுகளில் பெற்றோரும் பள்ளிகளில் ஆசிரியர்களும் படாத பாடுபடுகின்றனர். இருந்தும், முடிவேயில்லா விளையாட்டுகளில் சில மாணவர்கள் மூழ்கியேவிட்டனர். அவர்களின் முயற்சி பெரிதாக ஒன்றும் பயனளிக்கவில்லை என்பதை நாம் கண்கூடாக பார்த்துக்கொண்டுதான் வருகிறோம்.
    இரண்டாவதாக, மாணவர்கள் அன்றாடம் பார்த்துப் பேசும் மனிதர்களின் எண்ணிக்கை குறைந்துகொண்டு வருகின்றது. உதாரணத்திற்கு, 10 வருடங்களுக்கு முன்னால் நாம் எதாவது வேண்டும் என்றால் கடைக்கு சென்று வரிசையில் நின்று பொருட்களை பெற்றுக்கொள்வோம். ஆனால் இன்றோ நிலைமை முற்றிலும் வேறு. அடுக்குமாடி கட்டடஙளின் அடித்தளத்திலும், பள்ளிகளிலும், வேலையிடங்களிலும் கடைத்தொகுதிகளிலும் பொருட்கள் இயந்திரங்கள் மூலமாக விற்கப்படுகின்றன. இதனால் வசதியிருப்பது என்னமோ உண்மைதான். ஆனால் பழகுவதற்கான சந்தர்ப்பங்கள் மிகவும் குறைவு என்றே கூறவேண்டும். காலம் செல்ல செல்ல கடைகள் முற்றிலுமாக இயந்திரங்களாக மாறலாம். இதனால் வேலைவாய்ப்புகள் குறையலாம்.
    இறுதியாக, மனித உடலுக்கு தீங்கு விளைவிக்கும் வலிமை உள்ளதாகவும் தொழில்நுட்பம் இருக்கிறது. நாம் அன்றாடம் பயன்படுத்தும் தொழில்நுட்ப சாதனங்களிலிருந்து கதிர்வீச்சு வெளியேற்றப்படுகின்றது என்பது எத்தனை பேருக்கு தெரியும்? அவற்றின் பேட்டரி நிலை மிகக் குறைவாக இருக்கும்போது இந்த ஆபத்து பல மடங்கு உயர்கிறது. இதனால் மனித மூளைக்கு பல பாதிப்புகள் ஏற்படுகின்றன. எந்நேரமும் எதாவது ஒரு ஒளித்திரையை உற்று நோக்கியபடி இருந்தால் பார்வையில் கோளாறு ஏற்படுகின்றது. எப்போதும் காதில் ஒரு கருவியை நுழைத்துக்கொண்டு உரத்த ஒலியைக் கேட்டுக்கொண்டிருப்பதால் காது சிறிது சிறிதாக கேட்கும் திறனை இழக்கிறது. சாலையில் வாகனம் ஓட்டும்போது இவ்வகை தொழில்நுட்பத்தை பயன்படுத்துவதால் விபத்து ஏற்படுவதற்கான வாய்ப்புகளும் அதிகமாக இருக்கின்றது. தொழில்நுட்பத்தில் மிகவும் ஈடுபாடு கொண்டு அவற்றை சரியான நேரத்தில் சரியான இடத்தில் சரியான முறையில் பயன்படுத்த தெரியாதவர்கள் இவற்றால் பாதிப்படையக்கூடியவர்கள் என்று கூறுவது நிதர்சனமான உண்மை.
    தகவல் தொழில்நுட்பம் என்பது இரு புறமும் கூராக்கியக் கத்தியைப் போன்றது. கவனமாகக் கையாளாவிட்டால் உபயோகிப்பவரின் கையைப் பதம் பார்க்கவும் அது தயங்காது என்பதை நாம் உணரவேண்டும். இவ்வகைச் சாதனங்கள் மலிந்துவிட்ட இக்காலக்கட்டத்தில் தாங்கள் பார்ப்பதையும் கேட்பதையும் உண்மையென நம்பிச் சில பேர் பாதை மாறியும் செல்கின்றனர். புழுவுக்கு ஆசைப்பட்டுத் தூண்டிலில் சிக்கித் தவிக்கும் நிலைக்கு நம் மக்கள் ஆளாகிவிடக்கூடாது.
    இந்த இருபத்தோறாம் நூற்றாண்டைத் தகவல் தொழில்நுட்பத்தின் பொற்காலம் என்று சொன்னால் அது மறுப்பதற்கில்லை. இக்காலக்கத்தில்தான் அறிவியலின் மிகப்பெரிய மாற்றங்கள் நிகழ்த்தப்பட்டுள்ளன. அரியபெரிய கண்டுபிடிப்புகள் அனைவரையும் மூக்கின்மீது விரலைவைக்கும்படி செய்துவிட்டன. இவற்றை ஆக்ககரமான வழியில் மாணவர்கள் பயன்படுத்தினால் அறிவில் சிறந்தவர்கலாக போற்றப்படுவர். இதை நம் மக்கள் நினைவில்கொண்டால் இன்றைய மாணவர்கள் நாளை சரித்திரம் படைக்கும் சாதனையாளர்களாக ஆவர் என்பது மறுக்கமுடியாத உண்மையாக இருக்கும்.
    நான் இப்பொழுது ஒரு கைத்தொலைப்பேசியை வைத்திருக்கிறேன். அது என்னுடைய அன்றாட வாழ்வில் பெரிய மாற்றத்தை நல்வழியில் ஏற்படுத்தியுள்ளது என்பதை மகிழ்வுடன் பகிர்ந்துகொள்கிறேன்.
    பா. ஶ்ரீராம்
    கிளமெண்டி டவுன் உயர்நிலைப்பள்ளி

  12. நான் அதிகம் பயன்படுத்தும் சாதனம் கணினி. கணினியை நான் பயன்படுத்தி கல்வி கற்கவே செய்கிறேன். ஆதாவது இன்று எத்தனையோ நபர்கள் கல்விக் கடவுளைக் காணப்படிக்கிறோம். அதுபோல என் கல்விப் பயணத்தில் கணினி ஒரு பெரிய பங்காற்றுகிறது. தேர்விற்கு படிக்கும் போது நான் பாதி நேரத்தில் கணினியில் தான் படிக்கிறேன். உடனே தெரியாதவற்றிற்கு பிறர் உதவி இல்லாமல் நானே கணினியில் தேடிக் கண்டுபிடித்து தெரிந்து கொள்கிறேன்.
    நான் கணினியில் விளையாடுவேன் ஆனால் அதற்கு நான் அடிமையில்லை. விளையாடும் போது என் புத்திக் கூர்மையாகி என் எண்ணதை ஒருமுகப் படுத்துகிறேன்.
    இதுபோன்ற பயன்கள் இருந்தாலும் இதில் தீமைகள் உள்ளன. இது பாதுகாப்பாக இல்லை என்றால் நாம் ஆபத்தில் மாட்டிக்கொள்ள நேரிடிகிறது. நாம் தவறான செய்திகளையும் அறிந்து கொள்ள முடிகிறது ஆகவே கணினி என்பது கயிற்றில் நடப்பது போல நாம் கவனமாகப் பயன்படுத்தினால் பலன் அதிகம்.
    ஸ்ரீராம் ஜெயக்குமார்
    உயர்நிலை ஒன்று
    யுவான் சிங் உயர்நிலைப் பள்ளி

  13. முன்னுரை:
    அறிவியலின் தாக்கத்தால் உலகமே இன்று உள்ளங்கைக்குள் வந்துவிட்டது. கணினியும் கைபேசியும் இன்று அதிகம் பயன்படுத்தும் சாதனங்கள் ஆகிவிட்டன.
    சாதகங்கள்:
    வணிகம், மருத்துவம், அலுவலகங்கள் என்று இன்னோறன்ன எல்லாத் துறைகளிலும் கணினியும் கைபேசியும் பயன்படுகின்றன. காரியங்கள் கச்சிதமாய் நடக்கின்றன. எவ்விதக் கணக்கையும் கணினி மூலம் கச்சிதமாய் கணிக்கிடலாம். பதிவு செய்து வைத்திருக்கலாம். குறிப்புகளைப் பதிவேற்றம் செய்யலாம். மின்னஞ்சல் மூலம் உலகின் எந்த மூலையில் உள்ளவரோடும் தொடர்பு கொள்ளலாம்.
    கைபேசி மூலம் தகவல் பரிமாற்றங்கள் நடைபெறுகின்றன. நொடியில் உலகில் எந்த மூலையில் இருந்தாலும் தொடர்புகொள்ள முடியும். விளையாட்டுகள், பாடல்கள், திரைப்படங்கள் போன்றவற்றைப் பார்த்து மகிழ முடியும். புகைப்படங்கள் எடுத்து அவைகளைப் பிறருக்கு அனுப்ப முடியும். நெடுந்தூரம் உள்ளவரோடு முகம் பார்த்து பேச முடியும்.
    பாதகங்கள்:
    இவைகளை அதிக நேரம் பயன்படுத்துவதால் கண்கள் பாதிப்படையும். உடல்கள் சோர்வு அடையும். ‘புளுவேல்ஸ்’ எனும் விளையாட்டுகள் இளைய தலைமுறையை ஆர்வமூட்டி உயிரைக்கூட மாய்த்துவிடச் செய்கின்றன. இன்று ஏராளமான இளைஞர்கள் கைத்தொலைபேசிக்கு அடிமையாகி தங்கள் பொன்னான நேரத்தை வீணடிக்கிறார்கள். இதனால், அவர்களின் படிப்பு பாதிப்படைகிறது.
    முடிவுரை:
    கணினி கைப்பேசியினால் சாதகங்கள் உண்டு என்றாலும் பாதகங்கள் பலவுண்டு. எனவே அல்லவை அகற்றி நல்லவை தேர்வு செய்து பயன்படுத்துவது நன்மை பயக்கும்.
    அஃப்ரின் பாத்திமா
    யுவான் சிங் உயர்நிலைப்பள்ளி

Your email address will not be published.


*